Tailer
bateratuko bigarren astean, Schindler etxearen inguruan jardun ginen lanean. Proiektu
honek, etxebizitza berean bi bikote bizitzea ahalbidetzen du, espazio batzuk
elkarbanatuz eta beste batzuk, berriz, pribatutasunean mantenduz.
Klasean
bertan, azterketa desberdinak (espazioen pribatutasun mailak, banaketak, ibilbideak,
nukleo ezeak, orientazioa…) egin genituen etxearen gainean proiektua ulertzeko.
Goiza
amaitzeko, Mario Sangallik hitzaldi bat eman zigun Imanolena etxearen inguruan:
Peña Ganchegui beraren ideia, egin zaizkion erreflexio desberdinak, berak nola
ulertzen duen proiektua … Honi esker, gauza berriak ikasi eta ulertu genituen.
Aste
honetarako, Imanolena etxearen moldaketa bat proposatu degu, bertan bi anaia
bizitzeko. Schindler-ekin parekotasuna bilatuz eta hainbat buelta eman ondoren,
hona hemen gure proposamena:
Gure ideia,
biei antzeko zerbait ematea izan da, horretarako, biei bistez gozatzeko aukera
eman nahi izan diegu. Etxearen esentzia mantentzea ezinbestekoa denez, beste
gauza batzuen artean, patio zentrala ez dugu aldatu. Patioaren inguruan nukleo central
moduan elkarbanatuko diren gelak daude; inguruan, bi “L” osatuz, bakoitzarentzat
izango dituzten guneak daude (horietako bakoitza sarrera propioarekin). Horrela,
ahalik eta leku erosoena sortzen saiatu gara.
Besterik
gabe, hementxe uzten dizkizuet bi proeiktuen paralelotasuna erakusten dituzten
argazki batzuk: