2-02 ariketa: BORDA PASIEGO BATEN MOLDAKETA
Oraingo honetan, astebukaeretarako borda bat moldatzeko proiektua egin dugu. Borda pasiegoak kantabria iparraldeko mendietan aurki ditzakegu, batez ere, Pas eta Mierako haranetan.
Nik, Pas bailarako leku jakin bat aukeratu dut, errepidetik oso hurrun ez dagoen arren, aldi berean leku lasai eta orientazio egokia duela iruditzen baitzait
Hain zuzen ere, ondorengo orientazioa izango du:
Borda tipologia honen barnean, eredu desberdinak daude. Begiratzen jardun ondoren, bat hautatu dut, gehienbat aterpea dela-eta, egokia dirudielako:
Hasieran aipatu bezala, helburua familia batentzako egun batzuk igarotzeko moldatzea da. Nire kasuan, familia hiru gaztez osatua dago, mendialdera kirola egin eta atsedena hartzera joango direnak.
Ahalik eta gauza basikoenekin gune goxo eta atsegin bat egiten saiatu naiz, beti ere, txabola beraren nortasuna galdu gabe. Horregatik materialari dagokionez lehen erabiltzen zirenak erabili ditut (beiraz salbuespena). Gainera, harrizko hormak ahalik eta gutxien ikutu ditut, beraien adierazgarritasuna gal ez dezaten. Leihoen neurriak ere errespetatu ditut, kanpotik berdin jarrai dezan. Nahiz eta borda hauetako beheko pisua animalientzat izaten zen, nik espazio garrantzitsuena bertan jarri dut, izan ere, altura bikoitzekin jolastuz atsegina gerta daitekeela pentsatzen baitut. Gainera, berotasuna ahalik eta ondoen aprobetxatzeko beheko pisuan jarri dut tximinia. Honen inguruan, gehien egongo diren lekuko altzariak kokatu ditut bata bestearen jarraipena izango balitz bezala, guztira bakarra. Lo egiteko goiko pisua erabili dut, eta bertara igotzeko bi aukera: eskailera bertikal bat ala kanpotik (bertara lo egitera bakarrik joango direnez eta gazteak direnez arazorik ez dut ikusi). Azkenik, komuna jartzerako orduan egurrezko bi horma gehitu dizkiot aterpearen beheko zatiari, hots, txerria egoten zen lekuari.
Axonometria kanpotik
Axonometria barrutik
Maketa 1/50
